At January 3, 2009 at 12:02 PM, 
تسلم ايدك يا احمد على المقالة الجميلة دي .. اسلوب الكاتب جميل قوي وعرضك للموضوع برده تحفة بجد .. رجعتلي احساس اني نفسي امسك القلم واكتب اي حاجة .. بس فيه جو كآبة شوية مغطي على الموضوع ولا ايه ..
انا روحت المعرض على فكرة بس طلعت منه زي ما دخلت وقلت ساعتها لخوخة كانت معايا .. تلاقي احمد طلع من هنا شايل الكتب كلها ( :
At January 3, 2009 at 1:52 PM, 
Ahmed EL Berry
أهلا وسهلا يا مايكل أنت و أسماء
شكرا جزيلاً على ردودكم و متابعتكم لأن دة بيحسس الواحد أنه مش بيكتب لنفسه
رداً على تعليقك يا مايكل، هو السبب مرتبط بتصميم المدونة-بمعني-أن أنا اللي مصمم المدونة دي من الألف للياء يعني ما أستخدمتش نماذج سابقة الأعداد اللي بيقدمها الموقع(template)
يعني كأني مصمم موقع ورحت رافعة على موقع البلوجر اللي شغال علية حالياً-المشكلة هنا أني بكتب مواضيع طويلة نوعا ما ولو نزلت الموضوع بمساحتة الحالية هياكل باقي الصفحة،يعني مش هتشوف في المدونة غير الموضوع دة وباقي المواضيع هتترحل على خانة أنفاس لسة في الدماغ وبعدين بتترحل على خانة السنوات التي أتكتب فيها الموضوع.وأنا عايز اللي يزور المدونة يلاقي فيها مواضيع مختلفة قدر الإمكان زيي ماتقول كدة بقالة مواضيع متنوعة-ياريت تكون كدة الفكرة وصلت ليك و ممكن أشرحها ليك بعدين بوضوح أكتر
وشكرا يا أسماء على ردك و أتمنى فعلا أشوف منك مواضيع أنتي اللي بتكتبيهاوانا قلتلك زمان إنك بتكتبي بأسلوب كويس جدا و مميز بدون مجاملة بس إحنا للأسف يا أسماء ما أتعودناش نستغل ّأي موهبة مهما كانت بسيطة و دة لعلمك من الأسباب اللي بتساهم في تأخرنا ..يعني مثلا في أغلب العالم المتقدم بتلاقي أي حد عندة هواية مهما كانت بسيطة لكنه بيحافظ عليها ويعمل على تنميتها ..أفتكري الكلام دة كويس
بالنسبة لموضوع الكأبة،هو لازم يكون في كأبة في الموضوع يا أسماء لأن الرجل بيتكلم عن الأسباب وتطور المراحل اللي وصلتنا لما نحن فية ..ولعلمك أنا حاسس أن الأسلوب جميل مغطي فية عن الواقع الأليم اللي الناس موجودة فية من فترة طويلة ،،ولازم إننا ننزعج عشان نفكر كلنا في حياتنا ونبحث عن طرق لتحسين الواقع بتاعنا ودة لعلمك السبب اللي بيخلي الناس لماينزل فيلم في السينما تروح تجري على الفيلم الهزلي التافه و تسيب فيلم جاد ولكن فية شوية دراما مرتبطين بالموضوع
وملاحظة أخيرة أن الواحد مفروض في موضوع شراء الكتب يحاول بس يشتري الكتب اللي هو هيقراها وما يكترش في الشرا لأن دة ممكن يجيبلو إحباط أنوا أشترى كتب كتيرة وفي النهاية ماقدرش يقرأها كلها
تحياتي ليكم
At January 3, 2009 at 7:23 PM,
فعلا اسلوب علاء الديب جميل وبيحكى واقعنا بجد وطريقة عرضك ليه يا احمد جميلة ولا خلاف عليها
صحيح الواحد الحمدلله بيحب يمشى بالحديث اللى بيقول( تفائلوا بالخير تجدوه) بس دا ميمنعش انه الاحداث والظروف اللى احنا فيها بتخلى الواحد ساعات الدنيا بتسود قدامه. بس زى ماقلت بنحاول دايما نطلى السواد باللون الابيض اللى هو التفاؤل
وان احنا لازم نتوجع شوية علشان نقدر نحسن من نفسنا