تركب مواصلة تسمع الناس بتشتكي
قعده عائلية أو غير عائلية مفيش كلام غير عن الوضع المنيل اللي البلد عايشه فيه
تسمع حكايات عن الفساد و الظلم ليها العجب
تشوف الإهمال بعينك في كل مكان ..مستشفيات،أقسام شرطة،مجلس المدينة و أغلب المصالح الحكومية
تمشي في الشوارع تقابل كتير يقوللك حسنة لله ...كانوا زمان شحاتين بس دلوقتي تلاقي الكناس و الزبال و عامل الصرف الصحي(بتاع المجاري) اللي هو مفروض موظف حكومة بيطلب منك حسنة
و الموظف عايز الحلاوة و كلك نظر يا بية
و الناس بتجرى على أكل عيشها ..بس أكل عيشها ما بيجريش عليها
كل شوية الأسعار تزيد و تزيد و ما حدش عارف الزيادة دي سببها أية ولا يعيشوا معاها أزايي
تلاقي ناس بتاكل من الزبالة و ناس مش عارفة تودي الفلوس فين ...شوية عدالة يا حرامية
و اللي موتوا الشعب المصري بالجملة (المبيدات و العبارة و غيرة ) بيروحوا يتفسحوا برة البلد و اللي يقول حرام و كفاية بيتخطف من وسط أهله
و كله راضي بالظلم و عمال يصبر نفسه
لكن الواحد هيعيش كام مرة
نام في بيتك يوم في السنة و أفتكر المثل الجميل اللي بيقول
قال يا فرعون أية فرعنك ...قال ما لقيتش حد يلومني
